الرئيسية / الاخبار / ياريتك تعطف بقلم عادل ياقوت

ياريتك تعطف بقلم عادل ياقوت

قابلنى بعد غياب من غير مايسلم
حيرنى فى الأفكار وقلبى أتألم …
بعنية ناديته علشان يتكلم ……
وبروحى ناجيته علشان حبيته …
وقلبى له ف الحب مسلم …..
قلت لاما يشوفنى بعنيه هيبوسنى
وهياخدو الشوق لحضن قلبى ….
معرفش ليه كان قاسى ليه ….
ولا عشان جريت عليه ……
من زمان لاما أتقابلنا كان بعنينا كلامنا
كان بايدينا سلامنا كانت بتدوب قلوبنا
من لمستنا من ضحكتنا وكل حاجة
فيه حبيتها ……
ليه النهاردة منا يعدى من غير سلام …
أو ابتسام أو حتى كلمة تحيى الغرام ..
ليه تووهنى ف الأوهام …..
لكن غرامك ف قلبى عايش فيه ……
زى ماكان من الأول وأنا بحلم بيه ….
ياريتك تعطف ويرق قلبك ……
وأنا أعيش حواليك وقلبى مجاوبك …
ما سألتش نفسك ليه لاما بشوفك
بنسى الدنيا ومحسبش وقتى …….
عشان منايا أفضل جنبك وتفضل جنبى
لو كنت معايا زى هوايا وحبيت قلبى ..
اوعى تدارى فى يوم حبك عنى …….
ياللى عنيك ف الحب بتسكرنى ……
ياللى هواك فى القلب مطمنى ……
أوعاك يوم تبعد عنى …….

كلمات / عادل ياقوت

شاهد أيضاً

أنا مش معاق بقلم مصطفى كرم

  يا من تنظرون إلي كأنني عاجز وانني طفل معاق ومنذ طفولتي ألمح بكم نظرة …