الرئيسية / الاخبار / ناس بميت وش بقلم مايسة ريان خواطر

ناس بميت وش بقلم مايسة ريان خواطر

((ناس بميت وش ))
بقلم مايسة ريان

واحد يعمل نفسه حبيبك وعينه
ع اللى فى ايدك
آآه
عامل حبيبك وعينه ع اللى ف ايدك
يفرح لحزنك
ويضغط على جرحك وقال يعنى ..
شايل همك .
يبان زعلان ومن جواه …
شمتان
تفتكر ده انسان !
يا أخي ..
خون الناس شوية
ماتفتحهاش تكية
يلعن ابوها طيبة
مش مستهله هي …
حرقة دم .. وشيلة الهم
مش كفاية ال مفيش ..
وال معنديش ..
كمان صاحب خسيس
ما اصل دى ناس تغيظ
وعلى رأي ال قالوا من قبلي …
عجبي .
عجبي عليك وعليه
مانت فاتحها ع البحري
لكل شرقي وغربي
مصدق بجد ؟!
انه هيصون العشره .. والعهد !
عيني عليك يا غلبان
بتفوق بعد ما يفوت الآوان
بعد ماتشوف حقيقة وشه
بتفوق على غشه
وتكون اتكويت بنار حقده
يالا معلش
بس يا ريت تكون فهمت ..
واتعلمت
وتبطل تفتح قلبك للي
مايستهلش …
معلش
اصلها ناس … ليها ميت وش .

شاهد أيضاً

ضبط رنجة فاسدة بأحد محلات حى الزهور خلال حملة تموينية ببورسعيد

      كتبت/ علا محمد كمال شنت مديرية التموين والتجارة الداخلية ببورسعيد برئاسة ناصر …

اترك رد