الرئيسية / الاخبار / ما تهتميش بقلم علي الملاح شعر

ما تهتميش بقلم علي الملاح شعر


(ما تهتميش)
بقلمى /على الملاح
……………………………..
ما تهتميش
ملامحي الظاهرة قدامك
تبين أني حي بعيش
لكني مليش
لكني مليش ولا صورة
تبان لعينيكى بالتفاصيل
فشوفى بديل
أنا قلبي مثيل الليل
يبان هادى وشكله جميل
لكن غدار
بيقلب نسمة هادية لريح
جعل بعض النجوم مجاريح
فأيه جابرك على أسره
ولساكى من الأحرار
مصرة تكونى ليه جارية
وانا زادي من الصبار
ببان عادى وببان هادي
لكن طبعي بحب الطيش
فأحسنلك ماتهتميش
هنتفارق وأيه يعنى
ماقبلك ياما سيبت كتير
دموع عينك ما تمنعنى
أكمل سيري عكس السير
عشان ترتاحى من وجعي
أنا مية جفاها البير
أنا أنسان صحيح زيك
لكن زيك فى يوم خانت
وجعلت دمعتي سالت
وداست حتى مات نبضي
وعادى ما كله بيعدى
لكن قلبي ما بيعديش
فأحسنلك تفارقينى
وصونى الباقى جواكى
بلاش النظرة دى لعيني
كمان كام ثانية هنساكي
أنا اصلا محبتكيش
فأحسنلك
ما تهتميش

(على الملاح)

شاهد أيضاً

أنا مش معاق بقلم مصطفى كرم

  يا من تنظرون إلي كأنني عاجز وانني طفل معاق ومنذ طفولتي ألمح بكم نظرة …