الرئيسية / الاخبار / ضحكة حزينة بقلم سمر حبيشي خاطرة

ضحكة حزينة بقلم سمر حبيشي خاطرة

ضحكة حزينه

بصيت فى عينها
لقيتها حزينه
بتلوم الدنيا والأيام

دمعة نزلت ع الخد تجرى
وراها تنهيدة
خارجة من قلب
حزين ومكسور
كل دقة منه
تقولك أنا تمام

تقعد بينا تضحك
وتبتسم لكن وراهم
خيبة أمل وجناح مكسور
من رحلة خسرانه
بس بتكمل ع الأوهام

حبيت أفرحها
واشيل عنها
قامت قالتلى
سيبك أنت
الضهر محنى
والقلب مكسور
بس بستنى يجى الدور

ساعتها هفرح
وعودى يشب
وانسى وجع سنين
وقهر القلب

وأنا بسمعها أول مرة
تنزل دمعتى
شفت واحد تانى
فى عينها ساكن قصتى

ايه اللى حصل
هى بتحكى عنى ولا عنها
ولا خلاص كلنا بنتقاس
من دمعة عين
أو كلمة فى كراس

بتبين وجع سنين
داخل قلوبنا مقفول
عليها بترباس

بصيت لقيتها ضحكت
هرب من عيونها الحزن
كأن قفلت عليه بقفل نحاس

استغربت وملانى الفضول
ايه هى وازاى كدا
كأنها حسبة محسوبة
ولا هى عايشة كدا وخلاص

رجعت قالتلى
متحيرش نفسك
دى دنيا دوارة
الظالم والمظلوم فيها
من الكل بينباس

بس ساعة الحق
كله هبيدور ع الخلاص
لكن الفرق بينهم
إن ربك عارف
مين اللى زرع الشوك
ومين اللى كان مداس

اضحك وافرح
مفيش حاجة مستاهله
كلها أيام بنقضيها وخلاص
يوم حزن يوم فرح
كلها واحد مكتوبة
ومحسوبة بالقلم
فى الكراس….

شاهد أيضاً

أنا مش معاق بقلم مصطفى كرم

  يا من تنظرون إلي كأنني عاجز وانني طفل معاق ومنذ طفولتي ألمح بكم نظرة …

اترك تعليقاً

لن يتم نشر عنوان بريدك الإلكتروني.