الرئيسية / الاخبار / ” شاورما فراخ .. خفيفه للريجيم ” إعدراد نشوه أبو الوفا " شاورما فراخ ...خفيفه للريجيم "

” شاورما فراخ .. خفيفه للريجيم ” إعدراد نشوه أبو الوفا " شاورما فراخ ...خفيفه للريجيم "

 

 

زهقتي من الفراخ المسلوقه ،المتحمره ، في الفرن

النهارده الوصفه بالعاميه  هاتي قهوتك و إلا شايك و اقعدي جمبي أقولك هنعمل ايه؟

تعالي معايا جربيها شاورما خفيفه و بدهون قليله جدا و صحيه

أنا ما باتقيدش بالمقادير كل ست أدري ولادها بيحبوا إيه و إيه يكفيهم

يعني ممكن لو بيحبو الجزر تزوديه أكتر ،مغرمين بالفلفل زوديه

و هكذا ممكن كمان تضحكي عليهم و تدخلي السبانخ في الوصفه

و تقوليلهم انها شبت الأطفال مش هياخدو بالهم

هتحتاجي يا ستي

فرخايه مسلوقه و بعدين تشيلي منها كل العظم و تقطعيها بالسكينه

فلفل أخضر مقطع شرايح

فلفل أصفر مقطع شرايح

فلفل أحمر مقطع  شرايح

بصلتين متوسطتين مقطعين شرايح طوليه

جزره مبشوره

طماطميتين تقشريهم و تقطعيهم برضه شرايح طوليه

بهاراتك الحلوه (ملح ، فلفل ، كمون ، كركم كاري ، زعتر ، سماق ،رشه بن ،نعناع ناشف)

دبس رمان

فصين ثوم مفروم

في حله علي النار ملعقة سمن أو زيت  و تضيفي البصل و تشوحيه و تضيفي عليه الملح

و ما تكتريش لان الفراخ مسلوقه طبعا و عليها ملحها و لسه هنضيف دبس الرمان في الآخر و ده مالح

تقلبي على طول و تهدي النار عشان عاوزين البصل يدبل من غير ما يتحرق و عشان ما نستخدمش دهون أكتر

لما البصله تدبل ضيفي بهاراتك الحلوه

بعدين الجزر  يتقلب شويه

ضيفي الثوم و الفلفل الألوان

ضيفي الفراخ

بعديها الطماطم و قلبي يا ستي  دقيقتين و بعدين ضيفي ملعقه كبيره من دبس الرمان

وحوالي خمس دقايق عشان الفراخ تتشرب من كل الطعم و طفي النار و بالهنا و الشفا

مع خالص أمنياتي لكن بالسعادة و راحة البال

نشوه أبو الوفا

 

شاهد أيضاً

قصه” لست بطفله”للكاتبه فيروز شبانه

  لست بطفله الحلقه 11 انتظرت أم فاروق زوجها لتخبره بالعزيمه فرحب هو الأخر فأستطردت …

اترك رد

error: Content is protected !!