الرئيسية / الاخبار / رواية نوتيلا للكاتبه نور اسماعيل الحلقه الحاديه عشر

رواية نوتيلا للكاتبه نور اسماعيل الحلقه الحاديه عشر

الحلقه ١١

سليم ( بيتف دم ) انا كده مبسوط انهم بخير وزمانهم فمكان آمن
احسن من الى انت كنت عامله فيهم وانهم مش هيبقوا حجتك
فانك تطلع برة البلد وع فكرة انت كمان نهايتك قربت

حبش( مسكه من رقبته)انا هطلع روحك ،اما اخلى مابين رجالتى
واحد من الداخليه المدة دى كلها ويستغفلنى
ايييه بنصور فيلم هنا ،
ومستنينى اقولك ايه ..كلنا اسرة مع بعضشينا

رجالته :ههههههه

سليم : ( بيضحك ب استهزاء) صعبان عليا يا حبش
اصلى شايفك وانت موطى عالجزمة عشان نعتقك
وبرضو لا
بس عارف ليه هتوطى عالجزمة
هتكون من غير الانطاع دول الى بتتحامى فيهم

حبش ميل خنق سليم : نسيت حاجه فخطبتك العصماء ياحضرة الظابط
انى هاخد روحك دلوقت …خلصوا عليه !! وارموا جتته فاى داهيه
ان شالله تولعوا فيها بالنار

رجالته عمروا اسلحتهم ووجهوها عليه ،سليم اتشاهد واستسلم
وغمض عيوونه يستقبل نهايته .!

وفجأة سمعوا ضرب نار برة ، ارتبكوا وفلتوا ايديهم من عالزناد وطلع منهم حد يشوف
فيه ايه .
سليم اتنفس اخيرا ، جه جرى عليهم واحد من رجالتهم ومضروب بالنار

الراجل : البوليس مرشق فكل حتة ،المعلم فين

الرجالة : ايه !! يامعلم ..يامعلم حبش

حبش اساسا بعد م سمع صوت طلقات النار ،جه جرى ع مكان سليم

حبش: اوعوا تكونوا موتتوه !

واحد منهم : لا يامعلم ، المهم انت هتطلع ازاى البوليس مالى المكان برة

حبش(مسك سليم من ايديه المربوطه من وراه) هطلع بحضرة الظابط ياحمار ،اومال بسال
ليه اذا كان مات ولا لسه

واحد منهم : انا رأيي تهرب يامعلمى ..

حبش: لا مش حهرب يا بئف ، كده كده البوليس محاوط المكان كله وعاملين حسابهم
انا هطلع بيه
ده الى هيسفرنى من هنا …تعالى ياخويا

طلع حبش وساحب سليم ف ايده ، وحاطط المسدس فدماغه

حبش: انا هطلع من هنا …وهطلع سليم
وهتجيبولى عربية تودينى عالمطاى حالا
ي اما تستلموا راجلكم جثه بقى

نداء فالمايك بصوت عالى : سلم نفسك ياحمدى …سلم نفسك المكان كله محاصر
مفيش فايدة من الى انت بتعمله ده

حبش: مش هسلم نفسي والا هفجر دماغه ، هاتولى الى طلبته ودلوقتى حالا

سليم كان رافع ايده والاضواء بتتوجه ناحيتهم فوسط عتمه الليل بالرغم من ان الفجر
بدأ يشقشق

قائد القوة قرب ناحيتهم بس مش بكتير ،كان فى مسافه برضو

القائد : سلم نفسك ياحمدى مفيش اى نتيجه من الى انت بتعمله ده
رجالتك وقعوا فايدينا خلاص
والمنطقه كلها بقت تحت السيطرة

حبش: انا مش هكرر كلامى كتير يا حضرة الظابط ،الى عايزه يتنفذ وبالحرف

القائد : لا يا حبش مش هننفذ اى حاجه من كلامك

حبش: مااااشى انتوا الى ابتديتوا

بيسحب من المسدس وهيضرب سليم طلقه فدماغه فعلا !!

, ‘·,’·,’·,’·,’·,’·,’·,’·,’·,’·,’·,

وسط صلاتها للفجر ، ام سليم حست بغصه فقلبها وجعتها اوى
لدرجه ان مقدرتش تتحملها وكملت الصلاه وهى بتتألم منها ..

خلصت صلاتها وقلقت اوى

ام سليم : اللهم اجعله خير يارب …ربنا يسترها معاك يابنى ويحفظك من كل شر

, ‘·,’·,’·,’·,’·,’·,’·,’·,’·,’·,’·,

فالوقت الى مستعد حبش يضرب طلقه فدماغ سليم ، فلحظات تتعد عالصوابع
طار سليم فالهوا ولف رغم ان ايديه متكتفه ومضروب
ضرب برجله المسدس من ايد حبش وقع عالارض ،.لكن فيه طلقه طلعت من المسدس وهو بيطير
فالهوا وسليم بيضربه برجله لان حبش كان مستعد يدوس عالزناد
وجت فرجل سليم
وفساعتها اخد المسدس القائد
وقبض ع حبش…

جه واحد من العساكر فك ايد سليم بسرعه بعد م وقع عالارض وهو بينزف من رجله
وطلبوا الاسعاف
وطلعت عربيات الشرطه واخدة رجالة حبش وحبش مقبوض عليهم
وكل الى لاقوه فحوزة حبش من مهربات واسلحه
وعربية اسعاف بتنقل سليم !

‘·,’·,’·,’·,’·,’·,’·,’·,’·,’·,’·,

“وليه انا ده يبقى حالى ، وليه انت دايما فبالى
ليالى وراها ليالى وهو ده حالى بحبك وهعمل ايه ”
زميلة ل اسيا فالمدرج اثناء شرح المحاضرة ..

زميلة : الاغنية دى بعشقها لعمرو دياب ،سامعاها

آسيا : اه شغاله بصوت عالى اوى ، هو الى مشغلها ده مش واخد باله اننا فجامعه

زميلة : بس والله دماغ ههه ضيع صداع المحاضرة

زميلة ٢: وهو الى مشغلها دى مفيش غيرها ده انا حفظتها من كتر الاعادات

آسيا: طب بس بقى الدكتورة واخدة بالها مننا

خلصت المحاضرة ، وطلعوا البنات جرى يشوفوا مين مشغل الاغنية دى
وشغاله فين

حتى اسيا كان عندها فضول تعرف
ولاقته اياد !
آسيا لاول مرة تبتسم لما شافته ..خصوصا بعد الحركة الى عملها اول م شافها
قعد عالارض وعمل بايده حركة استسماح ..

قربت عليه آسيا وهى مبسوطه

آسيا: عايز ايه بس ؟

إياد : انا مش عايز حاجه ..انا واقف عند الحكومه

آسيا: يعنى انت مش هتبطل

إياد : ابطل ايه ؟ ابطل احبك
وابطل اتابعك
وابطل ادمنك
ببساطه ..لأ

آسيا: إياد …إياد انت غريب لا حصل بينا حاجه
ولا بينا قصة من اساسه
ولا انا عملت حاجه تحببك فيا
انا مش فاهمة ايه كل كمية الحب الفظيعه دى

إياد : بصى حفهمك …انا حلمت بواحدة
بتفاصيلها
بحركاتها
كتير كتير كتير ودورت كتير كتير كتير
لحد م لاقيتها
ومستحيل اسيبها ..بتفهمى معنى كلمة مستحيل ؟

آسيا: انت مش اتقدمت لى وبابا موافقش

إياد : اه موافقش ،لكن دى مش النهاية
هاجى مرة تانية
وتالته
ده حلمى …ومستحيل اسيبه بسهولة

آسيا : والمطلوب منى

إياد : انا مطلبتش منك حاجه ..

آسيا: انا بعترفلك انك مبرجلنى عالآخر وعندى فضول اعرف ايه كمية الحب دى
واحنا مش بينا حاجه من الاساس

لكن مش حابة اكون معاك ونرتبط وجو البنات والشباب الى ماشيين فيه اليومين
دول ده
انا مش كده ..

إياد : لا انتى زى البنات ..ولا انا معاكى هكون زى معظم الشباب
والوقت هيثبتلك كلامى
كل الى محتاجه منك فرصه

آسيا ساكته وبصاله بعيون مبتسمه

إياد : لو شايفه ان كتير عليا فرصه ..ارفضى وانا قابل

آسيا ضحكت

آسيا: لا هوافق يا إياد ..عالاقل اخلص من الخيالات الى انت عاملهالى دى

إياد : وصدقينى مش هتندمى

ابتسموا الاتنين سوا ،وآسيا كالعادة اتكسفت وبصت حواليها ولعبت فالسلسله بتاعتها.

‘·,’·,’·,’·,’·,’·,’·,’·,’·,’·,’·,

بوكيهات ورد كتيير كانت برة اوضه سيادة الرائد سليم وجيه من زملائة ورؤوسائه
واصحابه ومعارفه

حتى جوه الاوضه ،مكانش فيه مكان للزوار من حبايبه الموجودين ولا من الورد !

ام سليم : قدر ولطف يا حبيبي

سليم : يا امى الحمدلله انا كنت فمهمة صعبه جدا وربنا عداها ع خير

ام سليم: كنت فمهمة ومريم مفهمانى انك مسافر تبع الشغل

سليم : انا فعلا كنت مسافر هى مكدبتش ..انا فهمتها تقولك كده لان عارف انك كنتى
هتقلقى

مريم ( بابتسامه ) الف مليون حمدلله عالسلامة ياسليم ،والله عمرى م نسيتك فدعائى

انس: بس يا واد ياسليم الواحد يتفشخر بيك ،انا اسمع عن العصابه دى
انهم مش ساهلين وعاملين ارهاب للناس

ام سليم : شوفت يا واد يا انس ابن خالتك بقى

انس: اه شايفه زى الفسيخه المتلقحه اهو

مريم : اخص عليك ي انس

ام سليم : فسيخه !! ده بطل ربنا يحفظه لشبابه

سليم مسك ايد مامته وباسها

سليم : مفيش حاجه مسلمة معايا فالدنيا دى غير دعواتك يا امى

وهما بيتكلموا خبط الباب ودخل اللواء رئيسه الى موليه المهمة ومعاه بعض من رجال الشرطة

سليم ( بيتعدل من نومته ) سيادة اللواء !

اللواء: لا ياسليم متتعبش نفسك …خليك مرتاح
هاه عامل ايه انهاردة ؟

سليم : بخير يافندم

اللواء:سليم انت بجد مثال لرجل من رجالنا المخلصين الى بيقوموا بعملهم ب اخلاص وضمير
فعلا كلنا فخورين بيك

سليم: ده وسام ع صدرى سعادتك

اللواء: شد حيلك يابطلنا ..علشان تجهز لحفلة التكريم ياسيادة المقدم !

سليم : مقدم !!

مريم ممسكتش نفسها من الفرحه وراحت مزغرده جامد ،انس داس ع رجلها سكتت
فنص الزغرودة

اللواء: تستحق الترقيه ياسليم ..ده غير المكفاة انت ظابط كوفئ وفمكانك
المناسب كمان
ربنا يكتر فالداخليه من امثالك

ام سليم : ربنا يخليك يا سيادة اللواء ،احنا مش عارفين نشكركم ازاى

اللواء: احنا الى نشكرك ي ام البطل ع انك خرجتى لينا وللبلد بطل زى ابنك
اسيبك ترتاح شوية

مريم استنتهم يطلعوا وزقططت

انس: مبروك ياسيادة المقدم ،اظن دلوقتى تعمل نيو لوك وتحلق الشنب

سليم : هههه لا كله الا الشنب

انس: يادى الشنب الى معتز بيه اكتر من نيش امك

مريم مميله عليه تبوسه

مريم : بقيت مقدم بقيت مقدم ياسولى ( بتبوسه فخده زى الاطفال)

انس: سولى !! فى مقدم ادالدنيا ولسه قابض ع عصابة بتتغذى عالتماسيح
الاستوائيه يتقاله سولى
سولى ده مش ظابط شرطة …سولى ده ظابطها على واحدة ونص

سليم ومامته: ههههههه

وسط هزار انس معاهم خبط الباب تانى ودخلت ندى ومعاها بوكيه ورد شيك
كله من التوليب ..

ندى : حمدلله عالسلامه يا سيادةالرائد

شافت مريم وهى مميله تبوس سليم اتاخدت شوية وبعدين كملت دخولها
عادى

سليم ( بفرحه ) ندى …اتفضلى

مريم وشها اتغير ورجعت ل ورا خطوتين جمب انس

سليم : انسه ندى او حضرة الصحفيه ندى محجوب بنت اللواء محمد محجوب

مريم ( باستهزاء) اااه بنت اللواء !

سليم : ماما وانس ومريم ولاد خالتى

ندى : اهلا وسهلا

ام سليم : اهلا بيكى ،انا هروح البوفيه اطلبلك حاجه

انس: خليكى ياخالتو هروح انا ،تعالى يا مريم

مريم ( بغلاسه ) لا انا مبسوطه هنا

انس: تعالى معايا بقولك ( شدها من دراعها)

خرجوا سوا

ندى: حمدلله عالسلامة ياسليم ، سالت عنك كتير وقالولى فمهمة ومش عارفين هيرجع
امتى

سليم : الحمدلله ربنا قدرنى وكنت عند حسن ظن رؤوسائى

ندى : بابا حكالى كل حاجه حصلت معاك ، لازم ينزل بالبونط العريض عندنا فالمجلة

سليم : مش مساهلة يا ندى

ندى: ازاى بقى مش مستاهلة ياسليم ! ومعاها صورة ليك كمان
خلى البلد كلها تعرف انت عملت عشانها ايه

ام سليم : زيارتك انهاردة حاجه تفرحنا اوى خصوصا انك بنت سيادة اللواء

انس ومريم جم ومعاهم مشروب ل ندى

سليم : ماهى زيارتها دى ياماما هتترد بزيارة ليهم قريب ( باصث ل ندى ب اهتمام )

مريم سمعته وكشرت ومتعرفش ليه خرجت من الاوضة بحجه ان عندها مكالمة
لكن مكانش فى مكالمة
لكن اول انطباع واحساس ل ندى ومريم من بعض عدم الارتياح …

‘·,’·,’·,’·,’·,’·,’·,’·,’·,’·,’·,

فمكالمة مابين تبارك وعمرو ابن عمها وخطيبها ، كان البرود فالمشاعر هو
المسيطر
وكلام المجاملات
وبالاسم مخطوبين !

عمرو : انا نازل كمان ٦شهور لو نقصتك اى حاجه او عوزتى اى حاجه قولى
ع طول

تبارك : لا شكرا ياعمرو

عمرو : شكرا ايه ياتبارك احنا خلاص بقينا اقرب لبعض دلوقتى،يعنى مفيش بينا
شكرا والكلام ده

تبارك : لا بجد مش ناقصنى حاجه

عمرو : ان شاءالله هنزل عشان نعمل شبكة وكتب كتاب بالمرة وسنة كمان
وآجى عالزفاف
ولا انتى ايه رأيك؟
انا فاتحت عمى فكلامى ده وقال انه موافق هو وسفيان

تبارك ( بلا مبالاه) طالما قولت لبابا وموافق خلاص ياعمرو الى تشوفوه

عمرو : والى عايزاه انتى برضو ، لما هنزل هخليكى احسن شبكة
وكل الى انتى عايزاه تحت امرك

تبارك ساكته ..

عمرو: انتى معايا ؟

تبارك: ايوة ..

عمرو: هقفل معاكى بقى لانى خلاص قدامى ساعة عالدوام بتاعى ..فرعاية الله

تبارك : مع السلامه ..

قفلت ومسحت دمعه من دموعها ..تبارك بنت زى بنات كتير بتحترم رغبة اهلها

خصوصا انها مش مرتبطه عاطفيا بحد ..حتى لو كان قلبها متعلق بصلاح
هى متملكش تقوله ييجى تانى هى اتخطبت وهى وافقت وقضى الامر
لايخطب احدكم ع خطبة اخيه.
وكمان حيائها والطريقة الى اتربت عليها علموها ان تفضل فمكانها جوهرة لحد م ييجى
الى يعرف تمنها ويقدره .
‘·,’·,’·,’·,’·,’·,’·,’·,’·,’·,’·,

شيكولاته بتتوزع فكل مكتب من مكاتب الشركة الى شغاله فيها نشوى ،حلاوة خطوبة
موظفه معاهم .

حسام ( بيفتح الشيكولاته ياكلها ) الخطوبات كترت اليومين دول
تحسي انه سيزون
انا شخصيا معزوم ع خطوبتين وفرح الفترة دى

نشوى ( بتشتغل) ربنا يفرح الناس كلها …عقبالك

حسام : وعقبالك انتى كمان

نشوى : بعد الشر فال الله ولا فالك

حسام : ليه هو الجواز شر ؟

نشوى : مبقصدش الجواز انا بتكلم عموما ، الارتباط براجل هو الشر بعينه
حسام : ياااه للدرجة دى واخده موقف عدائى من الرجاله

نشوى : ماشوفتش منهم حاجه كويسه اصلا عشان احبهم

حسام : طب بلاش ياستى الرجاله الغريبه عنك ، باباكى اخواتك
اخوالك اعمامك
برضو وحشين

نشوى بصتله وضحكت باستهزاء ورجعت لشغلها ، هو بصلها ورفع حاجبه
مستغربها جدا

حسام : والله يانشوى فى كلمة فزورى وعايز اقولهالك

نشوى : ولو مقولتهاش هتموت يعنى ؟

حسام : اه بصراحه

نشوى : لا قول قبل م تموت

حسام: انتى اكتر بنت كتالوجها مش فاهمه قابلتهافحياتى .تحسي انه مكتوب بالصينى

نشوى : ههههه طب كويس ابقى خد كورس صينى وتعالى ترجمه

حسام : عارفه بجد انا المفروض اخد كورس ف ايه ؟

نشوى : ف ايه يا حسام اصل انت بجد اكتر حد قابلته رغاى فحياتى

حسام: ههههه معلش استحملى الشوية دول ..محتاج وبشظة اخد كورس
فلغة الجسد وبالذات لغة العيون
عشان افهم الى بتخبيه كل مرة وبتهربي بيه بعيونك بعيد عنى

نشوى هزها كلامه وبصتله ب اسى لثوانى …وبعدها افتكرت خشونتها الى بتتعامل
بيها مع الكل وانها مش ممكن تسمح باى حد ياخد مسافه فحياتها

نشوى : اظن ياحسام مش معنى اننا زمايل وفوفس المكتب ورفعنا التكلفه ولا استاذ
ولا انسه تاخد وتدى فحياتى الشخصية اوى كده
لو سمحت تخليك فشغلك ويبقى بينا الكلام بحدود

حسام كل مرة بيتأكد ان فى حاجه كبيرة مخبياها وفضوله بيلح عليه يعرفها
عشان كده مهتم يقرب لها
لكن لحد دلوقتي لازم يجاريها فنفورها من التعامل معاه مؤقتا لحد م يقدر يمسك
اى خيط للى جواها

حسام : حاضر يانشوى …انااسف

‘·,’·,’·,’·,’·,’·,’·,’·,’·,’·,’·,

عملية استئصال الورم بتاعت يارا ، اتأجلت شوية لحد م تخلص عمل
الاشاعات بتاعتها المطلوبه منها .

وانهاردة كان ميعاد اول اشاعه ، مامتها وباباها الى حد عدلوا من تعاملهم معاها
شوية يعنى بس لسه الطبع الحاد والحازم فيهم

كانوا معاها اثناء الاشاعه هما والبنات ،بعدها استأذنوهم انهم هيتغدوا الكل برة
مع بعض اهو تغيير جو ليارا عن جو المعامل والعيادات الى اتحطت فيه جديد.

لمى : حودة جندل ده تحفه يخربيت الجمال حاجه كده هييءيح

وجدان : واحد من معارفك جندل ده طبعا يا ابلة المظيه

لمى : لا طبعا ي ام جهل م انتى مبتخرجيش كتير زيي ، ده احسن واشهر مطعم
اسماك
اهى كل التشكيلة دى وكل الى انتو عايزينه الوجبة الواحدة ب ٦٠جنية تخيلوا

مريم : السمك تحفه اصلا ،تسلم افكارك يابت يالم لم

آسيا: يورا مبتاكليش ليه ؟
يارا: لا هاكل اهو كنت برد ع ماما بمسج

وجدان : ده هما لسه سايبنا لحقت الدورية يعملوها …ربنا يصبرك والله

مريم : عارفين يابنات الاكلة دى كانت عايزة تبارك والبت نشوى

وجدان ( بتاكل ) نشوى ده وقت شغلها ،وتبارك عيد مبارك سيبيها فوكستها
ووحلتها
هتخرج تهبب ايه

آسيا: صعبانه عليا اوى

يارا : بكرة لما تلاقى عمرو عريسها بيعاملها بما يرضى الله وبيتقى الله فيها وكويس
معاها هتحبه وهتحب حياتها معاه

مريم : عمرها م جت كده يا يارا …اومال فين الحب والتفاهم الى فالاول
م انتى شايفه نص جوازات الصالونات فكسانه ونصهم بيتطلقوا بعد شهور

آسيا: بالعكس بقى مش بينجح غير جواز الصالونات ،خلاص بطلت موضه
الجواز عن حب …موضه وفاتت

وجدان : يا واد انت يابتاع الموضه ياللى بيتسيحلك فالجامعه ويشتغلك
عمرو اديب ..احم قصدى عمرودياب

لمى : ههههن انا لو عندى حد ومصمم عليا زى اياد كده والله م هفلته من ايدى
انا الى هعرض عليه الجواز العرفى فورا
هو انا لسه هستنى رأى بابا

وجدان : لا م احنا فقدنا فيكى الامل من زمان مش جديد

لمى : ايه ده !

آسيا: فيه ايه

لمى ( بتشاور ) ايه الصدفه دى ،بصى الراجل الى احرجته وبهدلت هدومه فالفرح
فاكراه

آسيا: مش واخده بالى

مريم : اه هو صحيح يالملم

وجدان : وبرضو قاعد وحده زى القرد اليتيم ،لاحول ولاقوة الا بالله
م تعالو يابنات نلم له الى فيه النصيب

لمى : لا انا هروح اعتذرله تانى احسن قعدته دى صعبانه عليا اوى وحاسة انى كنت
رخمه من المرة الى فاتت

مريم : مش لما يبقى فاكرك اساسا

وجدان : روحى يا ام قلب حنين عالغلابه روحيله

راحت لمى لتربيزته ووقفت وهو بياكل

لمى : انت فاكرنى ..انا الى دلقت عليك العصير فالفرح من فترة
بس من غير قصد

احمد : اه افتكرتك …

لمى : معرفش ليه حبيت اعتذرلك مرة تانية لما شوفتك دلوقتى

أحمد: محصلش حاجه انا نسيت بجد

لمى : اوك ..( ماشية خطوتين ورجعتله) ممكن سؤال

احمد: اتفضلى

لمى : هو انت ليه قاعد وحدك ؟ وبرضو فالفرح كنت لوحدك
لو مفيش حد يونسك وانت بتاكل انا ممكن اتبرعلك بالدردشه دى
اصل ماما دايما تقول الاكل فاللمة بيفتح النفس

احمد ( ابتسم ) انتى اسمك ايه ؟

لمى ( مبتسمه) لمى رأفت اولى كلية تجارة ودول صحباتى انا جاية معاهم

وجدان ( باصه عليها ) كل ده بتعتذر له كلت ودان امه من بدرى

احمد ( ضحك ع عفوية لمى ) وهتسيبي صحابك؟

لمى ( قربت الكرسي فتحته وقعدت قصاده ) يولعوا مانا قاعدة فوشهم كل يوم

أحمد: هههههههه انتى شكلك حكاية

يارا: دى قعدت !

مريم : لمى دى طقه هههههه

وجدان: وحياة ربنا البت لمى دى كانت مولودة من غير مخ وحاشولها مكانه
رز بالخلطه

آسيا( بصالها بغيظ) افعالها دى بقت تخنقنى ودايما احذرها وهى مفيش فايده

مريم: ع اد م مجنونة …بس احلى حاجه ان الى بييجى ع بالها تعمله

وجدان : اخرتها تفاااااح ان شاءالله معاكى يالمى..ابقى قولى لامك يا اسيا تزود
اوبشن التربية شوية عند البت دى
وانا وحياة سمارى هعملها جمعيه واديها كل شهر حق التربية دى بس تاخد بالها شوية
دى لو امها بايجار كل شهر حتهتم ياشيخه عن كده ..!

‘·,’·,’·,’·,’·,’·,’·,’·,’·,’·,’·,

زيارات بيت سليم مش بتخلص ،من وقت طلوعه من المستشفى
قرايب ومعارف بتطمن
والبيت مش بيفضى
وفمرة من المرات الى فيها زيارة ،كانت طلعت الحجة سمارى مع وجدان
تشوف سليم وتبارك لامه عالترقيه ورجوعه بالسلامه.

سمارى : الف بركة رجعلك بالسلامه يا ام سليم

ام سليم : الحمدلله ربنا مايسيئنى فيه ابدا

سمارى : الحقى بقى اخطبيله العمر بيجرى خليكى تفرحى بيه

ام سليم: هانت والله بس هو يشد حيله

مريم بتحط لها مشروب وجاتوه

سمارى: ماليش فالحلو يابنتى م انتى عارفه

مريم : معلش يا تيته حلاوة ترقيه سليم

سمارى : اومال المزغودة ان شاءالله تنزغد وجدان فينها

مريم : باين واقفه مع انس فالبلكونة جوه هدخلهم جاتوه ومشروب

مريم داخله لهم حطت لهم مشروب وحتتين جاتوه وخرجت
واضح انهم كانوا بيحكوا فموضوع مهم

وجدان : ( باهتمام ) يعنى انت بدأت تحبها ؟

انس: معرفش والله ، كنت حاسس ان عايز احكى مع حد ولاقيتك انتى فوشى
وبصراحه يابت يا وجدان انتى عقلك بيعجبنى
قولت اخد رأيك

وجدان : تاخد رأيي ف موضوع خلصان من قبل م يبتدى يا انس !

انس: ازاى خلصان يعنى

وجدان : دى حبيبة صاحبك وصاحبك لجا لك تحل مشكلة مابينكم
وادالك رقم تليفونها عشان بيثق فيك
تروح انت مصاحبها ؟! معقول

انس: مصحبتها ش يا وجدان م تفهمى بقى ..انا فعلا كلمتها اهدى م بينهم
ورجعتهم لبعض كذا مرة
لكن لاقيتها بتقولى انا معجبه بيك انت ومش عارف ايه
المشكلة انى فعلا مشدودلها

وجدان( بعيون زعلانه) اسمها ايه

انس: شهد

وجدان : هى مش محترمه مدام استغلت تدخلك علشان تقولك كده والمفروض
ان حبيبها صاحبك وبيثق فيك وفيها

انس: لو سمحتى يا وجدان متقوليش عنها كده

وجدان : ايه بتضايق عشانها اوى

انس( باصص من البلكونه وخد نفس من السيجارة ) مش فكرة بتضايق عشانها
معرفش حاسس انى فعلا اتعلقت بيها
وتعلقها هى كمان بيا مصدقه
حاسس ان زى م بتقول ملاقتش مع صاحبي الى لاقته معايا

وجدان: وانت اديتلها ايه ي انس مدهولهاش صاحبك ؟

انس: جرى ايه يا وجدان هو تحقيق ؟!

وجدان قربت شوية من مكان وقفته ،ووقفت قصاده وضوء القمر عاكس
جمال عيونها الى كان لاول مرة يشوفه انس

وجدان : عارف يا انس .. هو الانسان كده
الحاجه الرخيصة بتيجى لحد عنده زى كده الحجات الخايبه الى بتتباع فالاتوبيسات
والمحطات والارصفه
محدش بيتعب يدور عليها ..ولما بيشتريها
مش بيشترى عشان حلوة او عجبته
بيشترى عشان رخيصه يعنى مش هتكلفه
لكن الحجات الغاليه …بيلف ويدور عليها لحد م يدوخ
عشان مكانها عالى وصعب الوصول ليه غير للقادرين على تمنها

انس: مش فاهمك …عايزة تقولى ايه؟

وجدان : عايزة اقولك ، بطل تشترى الرخيص الى ماليت بيه جيوبك
وبتمن كل الى ضيعته اشترى حاجه واحدة غاليه
تعرف قيمتها
حاجه واحدة …الناس لما تلاقيها معاك تعلى فنظرهم
مش زى الرخيص الى هيرخصك معاه وينزل بيك للارض !

خرجت من البلكونة واخدت جدتها ونزلت ،وسابت انس مابين حيرته فموضوعه
وحيرته من كلامها والرساله الى سابتهاله يفهمها لوحده .

#نور_اسماعيل

شاهد أيضاً

أنا أحتضر للكاتبة نوال مسعود خاطرة

انا أحتضر سلام أيها البحر الأسود. سلام لما تحمله موجاتك من رسالةالمستبد القاضي .اجئت تخبرني …

اترك رد

error: Content is protected !!