الرئيسية / الاخبار / رمضان من تاني بقلم..مرقص إقلاديوس

رمضان من تاني بقلم..مرقص إقلاديوس

رمضان
رجعلنا من تانى.
بالخير لعباد الرحمن
مادد إيديه.

رمضان كريم
رمضان جميل.
جايب بركة
جايب فرحة.
رمضان
الله الله عليه.

رمضان الفوانيس
و الفوانيس نور.
و النور ينور العقول
و النور ينور القلوب .
و عقول مليانة نور
و قلوب مليانة نور.
تقرب دايما
من اللى بدع الكون
و خلق البشر.
و هاداهم بالنور
و هداهم للنور.

رمضان
الأدعية و التسابيح و الأذكار
فى كل الأوقات.
رمضان
اللى بيختموا
فيه القرآن مرة
فى الجوامع.
و فى البيوت مرات.
رمضان اللمة و العيلة
و الحبايب و المعارف و الجيران.
و الفول المدمس و الزبادى.
و الجلاليب البيضا و السبح.
و طوابير ناس
ماشية بهمة تحضر
الفجر حاضر
و ترفع الدعوات.

رمضان
غالى غالى
على كل المصريين
كل المصريين.
هوا ده رمضان
من يوم
ما وعينا على الدنيا
فى مصرنا الغالية
كل سنة و كلكم
كلكم و كلنا طيبين.
ملاح بحور الحكمة
مرقص إقلاديوس

شاهد أيضاً

أنا مش معاق بقلم مصطفى كرم

  يا من تنظرون إلي كأنني عاجز وانني طفل معاق ومنذ طفولتي ألمح بكم نظرة …