الرئيسية / الاخبار / حلم عنيد بقلم عمر سعد شعر

حلم عنيد بقلم عمر سعد شعر

حلم عنيد !
…………

عايش علي ذِكره
يحلم يكون بكره
إنسان وليه هيبه
مش إسم ف بطاقه
وصوره بالألوان
والحلم خان العهد
خان الأمل والوعد
أيه فايدة الإنسان
إنّو يكون نَكِره
مربوط بفعل مضاد
مجرور بياء هشه
فاعل بتاء تكسير
تُكتب ولا تُنسب
بلاها وجع القلب
لحلم ضاع مرساه
أيه فايدة وجود الشطء
ومركبه غارقه
ايه تفرق الصيغه
رسمي ومش أسمي
لعبة حياه وأيام
متمثله في ذِكره
مش فِكْره راح تُنسي
وتتخلد بِذكره
الفرق مش ذِكره
الفرق نبض وفاض
لروح ماتت جواه
سكه بلا رجعه
مش خوفه من مجهول
قلبه اللي كان أخضر
أصبح سجين صدرك
حُزنِك بقي عاده
زي فرض وعِباده
الخوف مش م الموت
خوفه من الفجعه

عمر سعد

شاهد أيضاً

ضبط رنجة فاسدة بأحد محلات حى الزهور خلال حملة تموينية ببورسعيد

      كتبت/ علا محمد كمال شنت مديرية التموين والتجارة الداخلية ببورسعيد برئاسة ناصر …

اترك رد