بَنى يُوسِف (عن الالف سر🖤 (28) للكاتبة نور اسماعيل
الرئيسية / الاخبار / بَنى يُوسِف (عن الالف سر🖤 (28) للكاتبة نور اسماعيل

بَنى يُوسِف (عن الالف سر🖤 (28) للكاتبة نور اسماعيل

 

بَنى يُوسِف (عن الالف سر🖤 (28) للكاتبة نور اسماعيل
لينك الفصل عالوتباد
°.°.°.°.°.°.°.°.°.°.°.°
الدكتور(بعصبيه) ايه ده يا زينب …ايه الى عاملاه فنفسك ده
وكمان عاوزة تهربي من هنا
ده تصرف ناس عاقله ومثقفه

زينب(بتحدى) وهو الى انا بعمله ده مالوش دعوة بالثقافه ولا بالعقل

الدكتور:اومال له علاقه ب ايه فهمينى …يا زينب ارجوكى
ليه بعد م وصلنا لمرحله كويسه فعلاجك ليه بتعمل كده

زينب:عاوز تعرف بعمل كده ليه يا دكتور
دكتور:ايوة
زينب:بنتقم فنفسى
الدكتور: من مين

*زينب بلا وعى وبعصبيه بالغه*
زينب :من امى ،!

الدكتور سكت ومنتبه لكل كلام زينب ،،
زينب(بالدموع) امى …امى الست الى كل الناس مخدوعه فالطهر
والبراءه
الست الطيبه الى شافت وعاشت كتير
ست فاجرة
ست مينفعش تكون ام

الدكتور:انتى بوعيك يا دكتورة وانتى بتقولى كده ؟
زينب:ايوة بوعيي ، ايوة وسامعه نفسي وعارفه انا بقول ايه
كويس
امى ماتصلحش تكون ام ،ولا يتقال عليها ام
الى تبيع شرفها وتنسب طفل لاب تانى تبقى مش ام

فلااااش بااااك

زعيق وصوت عالى خارج من اوضه نوم خديجه ورشوان ، زينب واقفه بره
بتلعب بالعروسه بتاعتها
طفله بنت ال8سنين

ومن الاوضه جوة صوت الزعيق والمشاكل واصل لبره ،

خديجه: انت اكيد اتجننت، اكيد فيه حاجه فمخك
ايه الى بتقوله ده

رشوان: الى بقوله انتى عارفاه كويس وفاهماه ،وانا شايف وحاسس
كل حاجه متفتكريش انى عبيط
ولا اهبل

خديجه:انت اكيد جرى حاجه فعقلك ، الخاين بيخون
والى فيه حاجه وحشه بيقول كل الناس زيي

رشوان:خدوهم بالصوت لايغلبوكم ، لا ياخديجه
مش هسمحلك
البنت دى مش بنتى
وهفضحك ،وهعرف كل الناس الى انتى عملتيه

خديجه(بعصبيه) حرام عليييك ، انت شايف ممكن استحمل منك
لحد فين؟!
الا شرفى مش هسمحلك
رشوان انا شايلاك انت والولاد وعمرى م اتكلمت
حتى ابنى الى مش ابنى
والى عرفت هو ابن مين وكدبت وتقولى متبنيه من ملجأ
ومن يومها وانت بتتلكك لى وبتعمل كده معايا

رشوان:ع اساس انى بغطى ع غلطتى يعنى وبغلوش

خديجه:والله بقا معرفش ، ده السر الى لازم تعرفه شايلاه فقلبي كام سنه يارشوان
انى عرفت ووعيت ع كل حاجه
ومش هسمحلك تدنس شرفى

رشوان:واانا هوريكى ياخديجه ، وزينب مش بنتى
مش بنتى وانا متاكد
وانتى ونشأت …لسه الايام بيننا طويله وهتشوفوا
*لوى دراع خديجه*

خديجه:اه …هتكسره منك لله
رشوان: هوريكى يا خديجه انتى وهو ،لو فاكرة انى راجل مغفل
تبقى غلطانه …

رجعت من ذكرتها زينب بتشنجات فظيعه ،اسعفوها بعد م خدت مهدئات
والدكتور مستغرب لكل الى قالته
هو عارف ان زينب مريضه نفسيه ، بدليل وجودها كل ده فالمصحه
كلامها وطريقتها ع اخواتها ووعائلتها
نكرانها لاى حد ممكن يكون بيحبها منهم او بينتمى ليها
طريقتها فانها رافضه انها تمشى من المصحه وحابه وجودها رغم انها فالاصل
دكتورة صيدلانيه وحياتها تبدء برة مش جوة المصحه
بس ايه الى اتقال ده ؟
وهيوصلها لايه فحالتها …

#بقلمى_نوراسماعيل
.°.°.°.°.°.°.°.°.°.°.°
عيش فينو بيتقطع ، بيتحشى جبنه ولانشون
عصير بيتجهز فريش
وقطعه كيك شيكولاته
ف اتنين لانش بوكس ،والكاتل شغال

بسنت(بتكلم تميم) يلا خلصت تويلت…تعالى نلبس

بلال:صباح الخير
بسنت:صباح النور …الفطار جاهز اهو
وع فكرة انا كويت لك قميص وبنطلون ولما ترجع هكون كويتلك الباقى

اخدت تميم تلبسه ودخلت اوضتهم وبلال باصص لها باستغراب ، فطر
وخلص ورايح يلبس
كانت بسنت لبست تميم وحطت له اللانش بوكس
فشنطته
وندهت ع مرات البواب تاخده للباص ..ورجعت كان بلال خلص لبسه
وهندامه
فقوقفته..

بسنت: ثوانى يابلال،انا عملتلك لانش بوكس انت كمان
استنى عشان تاخده
بلال: لانش بوكس!(باستغراب) هاخد زى العيال لانش بوكس الشغل؟
بسنت: اه وفيها ايه ،هناك البوفيه بيعمل اكل وحش انا جربته قبل كده
ثم كمان توفر تشترى دليفرى حتى عشان ترجع نفسك مفتوحه عالغدا

*بلال باصص لها ومتنح*

بسنت(فايدها كيس اللانش بوكس) اتفضل ،فرعاية الله

بلال:بسنت انتى مش هترجعى الشغل؟
بسنت: والله م انا عارفه ، بس يعنى سيبها لظروفها. هشوف
وبرضو رئيك انت فالنهايه

بلال:دى حياتك وانتى حرة يا بسنت متتقيديش بيا
بسنت:بس انت جوزى دلوقت
ولازم لرئيك يكون اهميه فحياتى

بلال:وانا بقولك اعملى الى عاوزاه

*خارج ع شغله*

بسنت: عاوز تاكل حاجه معينه عالغدا؟

*بلال مركز وياها وساكت*
بسنت:بلال سامعنى
بلال:اه …الى انتى عاوزاه اعمليه يابسنت
سلام

مشى وقفلت وراه وهتشوف يومها هيبدء فالبيت ازاى..

#بقلمى_نوراسماعيل
.°.°.°.°.°.°.°.°.°.°.°.

مكعبات كتير عالارض ، وBuzzel
وسليم قاعد مع يسر يلعبوا ..

يسر:لا مش كده اصبر ،بس كده
سليم :ايوة (بيضحك) انتى كده شتورة
يسر(بتضحك) ايوة وانت عبيط خالص خالص

*طارق دخل من باب الشقه اتخضوا الاتنين*

طارق: ولد ياسليم ادخل اوضتك

سليم(بتوسل) بابا لسه بلعب
طارق:قولت ادخل

قام سليم ويسر بصاله بخوف ، دخل اوضته

جه طارق ناحيه يسر ولكزها برجله
طارق: تعالى ورايا …يلااا

قامت يسر وراه بخوف فاوضتهم ..

طارق: الواد الى اسمه يوسف ده ، تنبسطى لما اعملك فيه مصيبه
تاخده وارتاح منه

يسر(بخضه) ليه كده يا طارق !

قام طارق بيضحك بطريقه تخوف ومسكها من شعرها بعنف

طارق: خايفه عليه ياجوليييت…خايفه عليه(زقها عالارض)
انا الى بييجى ناحيه اى شئ بملكه
افعصه
ادهسه
مش هرحمه

يسر: طارق …لو سمحت انا ماليش علاقه بيه ولاهو له علاقه بيا
انت ليه عاوز تاذيه وليه بتقول كده

طارق: ليه بقول كده،اوعى يخيل لك ذكائك المحدود انى مش واخد بالى من الغراميات
والحب والهيام الى بينكم من فتره كبيييرة
ياست يامحترمه يا متجوزة

*يسر بصاله بخوف جه جمب منها طارق واتكلم بعصبية*

طارق:الست المحترمه تحب ازاى وهى متجوزة وشايله اسم واحد يا مدام (ضربها بالقلم)
روحتى الشركه تصفى شغلك وحبة غراميات
ياعينى ياعينى
انا بحب الجو ده

يسر:صدقنى محصلش حاجه

طارق:انا هسيب الحبل ع اخره ي يسر ،لحد م تشنقى بيه روحك
ويشنق روحه معاكى
ويوم م توقعوا تحت ايدى
مش هرحمكم !

يسر(بخوف ورجاء) طارق …بص انا مش هطلع بره البيت
الشباك مش

بس ملكش دعوة بيه
ابوس ايدك

طارق:اهو خوفك ده ياحيوانه الى بيخلى رغبتى فانى ادهسه
ومخليش لوجوده وجود
يكبر ويزيد (بصوت عالى يفزع) بكره هندمك واندمه يايسر
عشان يبقى معاكى طارق وتبصى لعيل بياخد مصروف من امه

يسر:انا غلطت …صدقنى غلطت بس انا كنت فاكره انك…

طارق:فاكره انى موتت هاه! لو فاكره انى موتت تفضلى ع ذكرايا
ذكرى انسان عمرك م هتعوضيه
ده لو كنتى ست كويسه بحق وحقيق يا مدام
بس بعد ايه كل الرجاءات والتوسلات دى
الاوان فات خلاص …ومفيش حاجه بايدى

يسر:طارق ابوس ايدك …

زقها بعنف وقفل الباب وقفله بالمفتاح وهى بتصرخ وتعيط وتخبط
وهو مش سامعها اصلا ..
وخرج وسابها محبوسه زى الحيوان الى اتساب من غير
اكل ولا شرب
من غير اى رحمه !
#بقلمى_نوراسماعيل
°.°.°.°.°.°.°.°.°.°.°
فمكان حلو المنظر والهوا ،كانوا على وملك موجودين
بمساعدة يوسف عرفوا يخرجوا على من البيت ..
ويستمتع شويه بهوا جديد..وصلهم يوسف وحب يسيبهم يستفردوا
ببعض فاجواء منعشه

ملك:تاكل ياعلى؟
على:لا انا مستمتع كده وانا بشم الهوا ،وببص عالناس وعالمنظر حواليا
ملك:طيب براحتك

جت ملك عند كرسيه تحت رجليه ، ونامت ع رجله ورفعت كف ايده
وحطتها ع دماغها وهو ابتسم للحركه دى اوى

ملك؛انا مكنتش فاكره ان فيه يوم بعد غياب رنا هشوفه حلو ،بس الحمدلله
عوض ربنا حلو اوى وفعلا
الى يقول يارب ربنا مش بيخذله

على:ملك ممكن اسالك سؤال؟
ملك: قول
على: انتى وافقتى ع جوزانا ليه ؟ ايه يجبرك انك ترتبطى طول عمرك بحد عاجز
ملك: على …
على: استنى اكمل كلامى …يعنى عشان نصلح غلطه قديمه
انا اسف ممكن تعملى عمليه
اهون لك من ارتباطك بحد عاجز طول عمره ومتحطيش السفر ممكن يخلينى ارجع زى م كنت
ليه رضيتى بكده
خصوصا انى جرحتك وتعبتك وفايام كتير خذلتك..

ملك:خلصت كلامك؟ أيوة ياعلى وافقت مش عشان بس اصلح الغلطه الى خوفت ع اخواتى لو عرفوها.يدفنوا راسهم فالطين
انا بحبك بجد ي على
مسالتش نفسك ليه فضلت جمبك بعد م عرفت الحقيقه وانت المفروض تبقى كده الد اعدائى
مش الفلوس
الفلوس دى حجه عشان افضل قويه قصادك وحبي ليك ميضعفنيش
ولا عشان اشوفك مذلول زى م قولتلك ..
لان دى كانت ساعه غضب
انا اكتشفت انى مش بس حبيتك ، ان روحى فيك ياعلى
مهما عذبتنى وجرحتنى وخذلتنى
مهما خسرتنى
برضو بحبك ومش بايدى

على:حتى بعجزى راضيه ، ملك انتى مش هتحسى حضنى الى بجد
ونفسي احضنهولك
غير حضنى ليكى وانا عز لانه كان شعور كداب
عمرك م هتحسي بدفا شفايفى وهى بتثبتلك بحبك ازاى
عمرى م هشوف انوثتك واشتهيها واحول ده لفعل
مش هعرف استمتع باحساس انى اكون اب وبناء عليه مش هتكونى ام يا ملك
شايفه ان حبك ليا كفايه؟

ملك:ومسالتش نفسك ليه وافقت تتقدملى ونتجوز رغم ان ظروفك متنفعش للارتباط
ومش مستعد..

*على ابتسم*
ملك:النتيجه ان انا وانت حبينا بعض بجد ، واحنا الاتنين ضحينا
وانا راضيه بيك لو بس بشوفك وبتكلم وياك ومش عاوزة حاجه تانيه
ومش بفكر فحاجه تانيه ياعلى..

على: ملك ..انتى تستاهلى بجد من وسط كل الى عرفتهم انى احبك من قلبي
وحاسس ان قوة حبك عوضتنى عجزى وتقدر تحركنى

ملك:ولو متحركتش ياعلى برضو بحبك والله بحبك (مسكت كف ايده باسته)

على:حتى دى عاوز اردهالك ومش عارف
ملك:انت رديتها وقلبي حس بيها،بكرة نسافر ياعلى وتخف
وترجع احسن من الاول
ان شاء الله…املى فربنا كبير اوى

على:طب قربي دماغك وخدودك

ملك:ومش عاوز حاجه تانيه

على: طب اتكسفى احنا فالشارع

الاتنين ضحكوا وخدته وجريت بيه بسرعه وهى بتزقه وهما الاتنين مبسوطين وبيضحكوا..

#بقلمى_نوراسماعيل
.°.°.°.°.°.°.°.°.°.°.°
” خرج ومرجعش من وقتها …انا خايفه اوى يايوسف”
يوسف: كويس انه مخدش منك الموبايل ،يسر انا مش هسيبك للحيوان ده
يسر:انا قلقانه ع سليم …لا اكل ولا شرب من ساعتها
يوسف: سليم ابنه ومش هياذيه خلينا فيكى انتى
يسر: طارق معندوش قلب يفرق بين ابنه او لا، هو طبع القساوة والاذى فيه
يوسف: يسر…انا هجيلك دلوقت

يسر: يوسف لا ! لا يايوسف
يوسف: لا هجيلك وهكسر الباب واخدك ويعمل الى عاوزه
يسر: لالالا بالله عليك …انا حاسه انه عامل كده فخ عشان انت تيجى
يوسف ياريتنى م كلمتك

يوسف:سلام يايسر ، مسافة السكة وجايلك
خليكى معايا عالتليفون

يسر(ابتدت تعيط) يوسف …ياريتنى م قولتلك ياريتنى..

قام يوسف وفاتح الخط ولبس ونزل فثوانى مقصده بيت يسر!

#بقلمى_نوراسماعيل
.°.°.°.°.°.°.°.°.°.°.°.

محفه زى بتاعت الفراعنه ،شايلينها اربعه
كانوا على ويوسف من قدام
وزينب وبسنت من ورا
وعالمحفه كانت اختهم سحر …لابسه لبس اميرات
ومبتسمه ومبسوطه
وهما ماشيين بيها رافعين راسهم ، وسط حشد هائل من الناس
بيعدوا بيها
وبعدين استقروا فمكان عالى نزلوها وقعدت ،طلع لها بلال
وماسك طوق ورد بيتحط ع قبور الموتى
وحطه حوالين رقبتها …وسحر بتلوح للموجودين
كله مادد ايده ليها ،وهى ممسكتش ايد حد الا ايد مامتها خديجه !

قام الجد من نومه مرة واحده بينادى باسمها

الجد:سحر!

اخد باله انه كان حلم ، استعاذ بالله من الشيطان
وفاق يفكر فالحلم
جاب كتاب تفسير الاحلام وقلب فيه ، وقرا حاجه.خلت عيونه
ذهلت وبان ع وشه دهشه مبالغ فيها!

°.°.°.°.°.°.°.°.°.°.
#بَنى_يُوسِف (عن الالف سر 🖤)
#لنور_اسماعيل
#كونوا_بالقرب

شاهد أيضاً

رحـــلة آدم.. للكاتبة مونية أُوطَالْبْ

رحـــلة آدم.. للكاتبة مونية أُوطَالْبْ

~~~~~~~~~~~~~~~~~~~~~~~~~~~~~~ {رحـــلة آدم..} ضباب.. صورة مشوشة.. رؤية غير واضحة.. شيئا فشيئا بدأت تختفي تلك الهالة …

اترك رد

error: Content is protected !!